{{jinoyat_sud_nomi}}ga

{{javobgar_fish}}dan

Manzil: {{javobgar_manzil}}

Tel: {{telefon}}

A R I Z A

(YHXB qarorini bekor qilib, ish yuritishni tugatish to‘g‘risida)

{{viloyat}} IIB YHXB inspektori {{inspektor}}ning {{qaror_sana}} yildagi {{jarima_raqami}}-sonli jarima solish to‘g‘risidagi qarorga ko‘ra maxsus avtomatlashtirilgan foto va video qayd etish texnika vositalari orqali qayd etilgan qoida buzilishi ko‘rib chiqilib, MJtKning {{modda}}ga asosan meni aybor deb topib jarima qo‘llanilgan. Ushbu huquqbuzarlik maxsus avtomatlashtirilgan foto va video qayd etish tizimi (statsionar) orqali aniqlanganligi bayon etilgan.

Ushbu jarima solish to‘g‘risidagi qarorni quyidagi asoslarga ko‘ra O‘zbekiston Respublikasining amaldagi qonunlarda belgilangan talablari buzilgan holda rasmiylashtirilgan deb hisoblayman:

Birinchidan, Vazirlar Mahkamasining 21.04.2021 yildagi 232-son qarori bilan tasdiqlangan “Tadbirkorlik sub’ektlari tomonidan avtomobil yo‘llarida yo‘l harakati qoidalari buzilganligini maxsus avtomatlashtirilgan foto va video qayd etish dasturiy-texnik vositalarini o‘rnatish va ekspluatatsiya qilish tartibi to‘g‘risida”gi Nizomning 2-ilovasi “Tadbirkorlik sub’ektlari tomonidan avtomobil yo‘llarida yo‘l harakati qoidalari buzilganligini maxsus avtomatlashtirilgan foto va video qayd etish tizimi dasturiy-texnik vositalariga doir” TEXNIK SHARTLARning 10-bandiga ko‘ra tizimni joylashtirish uchun avtomobil yo‘lining qatnov qismiga xalaqit bermaydigan holda, o‘ng yoki chap yo‘nalishga «I», «G», «T» yoki «P» shakldagi metall ustun o‘rnatilishi belgilangan.

Texnik shartlarning 11-bandiga ko‘ra tizimlar metall ustunga 6 metrdan kam bo‘lmagan balandlikda o‘rnatiladi.

Texnik shartlarning 13-bandiga muvofiq metall ustun va transport vositasining to‘xtash chizig‘i oralig‘idagi masofa tizim qurilmalarining texnik xususiyatlari, relefning murakkabligi va muhandislik kommunikatsiyalari mavjudligidan kelib chiqqan holda belgilanishi lozim.

Texnik shartlarning 14-bandiga asosan tizim o‘rnatilgan metall ustunga umumiy holatni kuzatish va o‘rnatilgan qurilmalar xavfsizligini ta’minlash maqsadida 360 gradus radiusdagi kuzatuv kameralari o‘rnatiladi.

Texnik shartlarning 15-bandiga ko‘ra o‘rnatilgan metall ustunlarning o‘ng yoki chap tomonidan 4 metr balandlikda telekommunikatsiya javoni o‘rnatiladi. Ushbu javon kerakli aloqa hamda elektr qurilmalari bilan jihozlanadi.

Biroq, {{viloyat}} IIB YHXB inspektori {{inspektor}}ning {{qaror_sana}} yildagi {{jarima_raqami}}-sonli jarima solish to‘g‘risidagi qarorni rasmiylashtirga asos bo‘lgan maxsus avtomatlashtirilgan foto va video qayd etish texnika vositalari yuqoridagi talabga binoan joylashtirilmagan.

Demak bundan ko‘zlangan maqsad yo‘l harakati ishtirokchilarini tartibga solish emas balki yashirin ravishda fuqarolarni jarima solishga qaratilgan deb hisoblash mumkin.

Ikkinchidan, Ma’muriy javobgarlik to‘g‘risidagi kodeksning 8-moddasiga asosan ma’muriy huquqbuzarlik uchun hech kim qonunchilikda belgilangan asoslar va tartibdan boshqacha tarzda ta’sir ko‘rsatish chorasiga tortilishi mumkin emas.

Ma’muriy huquqbuzarlik to‘g‘risidagi ishlarni yuritish qonuniylikka rioya qilish asosida olib boriladi.

Ma’muriy huquqbuzarlik uchun ta’sir ko‘rsatish choralarini qo‘llanish chog‘ida qonunchilik talablariga rioya etilishi vakolatli yuqori turuvchi organlar va mansabdor shaxslar tomonidan muntazam ravishda nazorat qilib turilishi bilan, prokuror nazorati bilan, shikoyat berish huquqi bilan ta’minlanishi belgilangan.

Shuningdek, Kodeksning 307-moddasiga ko‘ra ma’muriy huquqbuzarlik to‘g‘risidagi ishni ko‘rib chiqish vaqtida tegishli organ (mansabdor shaxs): ma’muriy huquqbuzarlik sodir etilgan-etilmaganligini, huquqbuzarlik sodir etilgan vaqt va joyni, mazkur shaxs uni sodir etishda aybdor-aybdor emasligini, uning ma’muriy javobgarlikka tortilish-tortilmasligini, javobgarlikni engillashtiruvchi yoki og‘irlashtiruvchi holatlar boryo‘qligini, mulkiy zarar etkazilgan-etkazilmaganligini, shuningdek ishni to‘g‘ri hal etishda ahamiyatga molik boshqa holatlarni aniqlashi shart.

Bundan ko‘rinadiki, {{viloyat}} IIB YHXB inspektori tomonidan {{qaror_sana}} yildagi {{jarima_raqami}}-sonli jarima solish to‘g‘risidagi qarorni rasmiylashtirishda MJtKning 8,307-moddalari talablariga rioya qilinmagan.

Uchinchidan, Vazirlar Mahkamasining 01.12.2018 yildagi 975-sonli qarorining 37-bandiga asosan jarima solish to‘g‘risidagi qaror maxsus avtomatlashtirilgan foto va video qayd etish texnika vositalari qo‘llanilgan holda olingan materiallar ilova qilinib, yuridik kuchga ega bo‘lgan elektron hujjat shaklida rasmiylashtiriladi hamda ushbu hujjatni tuzgan vakolatli shaxsning elektron raqamli imzosi bilan tasdiqlanadi.

Jarima solish to‘g‘risidagi qarorning ko‘chirma nusxasi maxsus avtomatlashtirilgan foto va video qayd etish texnika vositalari qo‘llanilgan holda olingan materiallar ilova qilinib, elektron hujjatni qog‘ozdagi hujjatga aylantirish yo‘li bilan tayyorlanadi hamda mazkur qaror chiqarilgan kundan e’tiboran uch kun muddatda buyurtma pochta jo‘natmasi tarzida huquqbuzarga yuboriladi.

Biroq, jarima solish to‘g‘risidagi qarorda bunday elektron raqamli imzo mavjud emas va qarordagi QR kod qo‘yilgan imzoni tekshirilganda biror bir ma’lumot topilmadi. Bundan ko‘rinadik qarorni rasmiylashtirish ham noto‘g‘ri amalga oshirilgan.

To‘rtinchidan, Vazirlar Mahkamasining 25.03.2024 yildagi “Yo‘l harakati qoidalari buzilganligini maxsus avtomatlashtirilgan foto va video qayd etish dasturiy-texnik vositalari orqali qayd etish tizimini takomillashtirish chora-tadbirlari to‘g‘risida”gi 148-sonli Qaror bilan tasdiqlangan Nozomning 2-ilovasi “Maxsus avtomatlashtirilgan foto va video qayd etish tizimiga doir” TEXNIK SHARTLARning 22-bandiga ko‘ra maxsus avtomatlashtirilgan foto va video qayd etish dasturiy-texnik vositalari orqali qayd etilgan qoidabuzarliklar to‘g‘risidagi quyidagi ma’lumotlar «Ma’muriy amaliyot» moduliga taqdim etilishi shart:

-qayd etilgan transport vositasining uch xil holatdagi fotosurati (transport vositasi, uning ro‘yxatdan o‘tkazish davlat raqami belgisi, qoidabuzarlik sodir etilgan holatning umumiy ko‘rinishi);

-qoidabuzarlik qayd etilgan vaqt (kun, soat, daqiqa);
-transport vositasining tezligi (km/soat);
-qoidabuzarlik qayd etilgan manzil (tuman (shahar, yoki aholi yashash punkti), ko‘cha, avtomobil yo‘lining kilometri yoki mo‘ljal);

-qoidabuzarlik qayd etilgan manzilning GPS koordinatasi;

-holat aks etgan 6 ± 10 soniyadan iborat videolavha va uning havolasi, to‘xtab turish qoidalarini -buzganlik haqidagi videolavha bundan mustasno.

Yuqoridagi holatlardan ma’lumki, {{viloyat}} IIB YHXB inspektori {{inspektor}}ning {{qaror_sana}} yildagi {{jarima_raqami}}-sonli jarima solish to‘g‘risidagi qarorni rasmiylashtirishga asos bo‘lgan maxsus avtomatlashtirilgan foto va video qayd etish texnika vositalari Vazirlar Mahkamasining 232-sonli qarori talablariga zid ravishda beton ustunga (simyog‘ochga) o‘rnatilgan.

MJtKning 276-moddasiga ko‘ra ma’muriy huquqbuzarlik to‘g‘risidagi ishga oid dalillar har qanday faktik ma’lumotlardan iborat bo‘lib, organlar (mansabdor shaxslar) shu ma’lumotlarga asoslanib ma’muriy huquqbuzarlik holati yuz bergan yoki bermaganligini, muayyan shaxsning uni sodir etishda aybdorligini va ishni to‘g‘ri ko‘rib chiqish uchun ahamiyatli bo‘lgan boshqa holatlarni qonunda belgilangan tartibda aniqlashi belgilangan.

MJtKning 321-moddasiga 2-qismiga ko‘ra Ma’muriy huquqbuzarlik to‘g‘risidagi ish yuzasidan chiqarilgan qarorni bekor qilish yoki o‘zgartirish uchun: organ (mansabdor shaxs) tomonidan ishni to‘liq bo‘lmagan holda yoki bir tomonlama ko‘rib chiqilishi; organ (mansabdor shaxs) hal qiluv qarorining va ushbu Kodeks Maxsus qismining qo‘llanilgan normalari va ma’muriy javobgarlik nazarda tutilgan boshqa normativ hujjatlar ishning faktik holatlariga mos kelmasligi; ma’muriy huquqbuzarliklar to‘g‘risidagi ishlarni yuritish qoidalarining jiddiy buzilishi; qo‘llanilgan ma’muriy jazoning adolatsizligi asos bo‘lib hisoblanadi.

Demak, ushbu jarima solish to‘g‘risidagi qaror amaldagi qonun normariga zid ravishda rasmiylashtirilganligi va MJtKning 271-moddasi 1-bandiga asosan ma’muriy huquqbuzarlik hodisasi yoki alomati yo‘qligi sababli ish yuritish tugatilishi maqsadga muvofiqdir.

Yuqoridagilarga asosan

S O‘ R A Y M A N:

{{viloyat}} IIB YHXB inspektori {{inspektor}}ning {{qaror_sana}} yildagi {{jarima_raqami}}-sonli qarorini bekor qilib, ish yuritishni MJtKning 271-moddasining 1-bandiga asosan tugatishingizni so‘rayman.

Ilova:

1. {{qaror_sana}} yildagi {{jarima_raqami}}-sonli qaror;

2. shaxsni tasdiqlovchi hujjat;

Arizachi _______________ {{javobgar_fish}}

“__” _______ 202_ yil

Simyog'ochga (Столба) o'rnatilgan kamera jarimasini bekor qilish

Preview