{{jinoyat_sud_nomi}}ga

{{javobgar_fish}}dan

Manzil: {{javobgar_manzil}}

Tel: {{telefon}}

A R I Z A

(YHXB noqonuniy qarori yuzasidan)

{{viloyat}} IIB YHXB inspektori {{inspektor}}ning {{qaror_sana}} yildagi {{jarima_raqami}}-sonli jarima solish toʻgʻrisidagi qarorga koʻra maxsus avtomatlashtirilgan foto va video qayd etish texnika vositalari orqali qayd etilgan qoida buzilishi tafsilotlari koʻrib chiqilib, {{modda}}ga asosan meni aybor deb topib jarima qoʻllanilgan. Mazkur qarorga asos boʻlgan xuquqbuzarlik esa mobil kompleks orqali aniqlanganligi bayon etilgan.

Ushbu jarima solish toʻgʻrisidagi qarorni uni quyidagi asoslarga Oʻzbekiston Respublikasining amaldagi qonunlariga zid ravishda rasmiylashtirilgan deb xisoblayman:

Vazirlar Mahkamasining 01.12.2018 yildagi 975-son Qarori bilan tasdiqlangan “Yoʻl-patrul xizmati xodimlarining yoʻl harakati qatnashchilari bilan oʻzaro munosabatlari hamda maxsus moslamalardan foydalanishi tartibi toʻgʻrisida”gi Nizomda maxsus moslamalarga taʼrif berilgan boʻlib ular - maxsus avtomatlashtirilgan audio, foto va video qayd etish texnika vositalari yoki koʻchma fotoradar va mobil komplekslar, alkotester, narkotester, planshet hamda transport vositalari oynalari yorugʻlik oʻtkazuvchanligini oʻlchovchi (taumetr) maxsus texnik vositalar xisoblanishi aniq keltirib oʻtilgan.

Demak ushbu Nizomga koʻra tezlikni qayd etish:

- Maxsus avtomatlashtirilgan audio, foto va video qayd etish texnika vositalari;

- Koʻchma fotoradarlar;

- Mobil komplekslar yordamida aniqlanadi.

Bundan koʻrinadiki maxsus avtomatlashtirilgan audio, foto va video qayd etish texnika vositalari hamda koʻchma fotoradar va mobil komplekslar umuman boshqa maʼnoni anglatadi.

Xususan Nizomning 6-bob 1-paragrafi aynan koʻchma fotoradar va mobil komplekslardan foydalanish tartibini belgilab bergan.

Shuningdek, Vazirlar Mahkamasining 2018 yil 1 dekabrdagi 975-son Qarori bilan tasdiqlangan “Yoʻl-patrul xizmati xodimlarining yoʻl harakati qatnashchilari bilan oʻzaro munosabatlari hamda maxsus moslamalardan foydalanishi tartibi toʻgʻrisida”gi Nizomning 32 bandi talablariga koʻra, YPX xodimlarining patrul avtomobillarida foydalanish belgilab qoʻyilgan tezlikni oʻlchash moslamalarini oʻzboshimchalik bilan yechib olishi va xizmatga aloqasi boʻlmagan boshqa shaxslarning (jismoniy yoki yuridik) transport vositalariga oʻrnatishi hamda xizmatni oʻtashga aloqador boʻlmagan fuqarolarni jalb qilishi qatʼiyan taqiqlangan. Mazkur talabga rioya etilmagan holda rasmiylashtirilgan bayonnomalar yuridik kuchga ega boʻlmaydi va huquqiy oqibatlar keltirib chiqarmaydi.

Oʻzbekiston Respublikasi Prezidentining 2018 yil 30 oktyabrdagi “Yoʻl harakati xavfsizligini taʼminlash sohasida investisiyaviy loyihani amalga oshirish chora-tadbirlari toʻgʻrisida” PQ-3989-sonli Qarorining 4-bandiga koʻra, Oʻzbekiston Respublikasi Ichki ishlar vazirligiga loyihani amalga oshirish doirasida, istisno tariqasida, quyidagilarga ruxsat etilgan:

“Investor bilan hamkorlikda Qoraqalpogʻiston Respublikasi va viloyatlarda koʻk va qizil rangli yalt-yalt etuvchi chiroq-mayoqcha, maxsus tovushli ishoralari hamda avtomatlashtirilgan jamoat tartibini nazorat qilish va yoʻl harakati qoidabuzarliklarini aniqlash moslamalari oʻrnatilgan patrul avtomobillarini amaliyotga joriy qilish”.

Afsuski maʼsul tashkilot yoki xodimlar tomonidan mazkur qaror va Vazirlar Mahkamasining 2018 yil 1 dekabrdagi 975-son qarorining 32-bandi talablariga zid ravishda maxsus jihozlanmagan transport vositalarida xizmat olib borilishiga yoʻl qoʻyilgan.

Inspektor {{inspektor}} tomonidan foydalanilgan mobil kompleks (MultaRadar CD) patrul avtomobiligi oʻrnatilganmidi yoki boshqa jismoniy yoki yuridik shaxsga tegishli avtomashinagami – bu shubha ostida qolmoqda. Xizmatni aynan patrul xodimi olib borgan bormaganligi ham katta soʻroq ostida qolmoqda.

Bosh qomusimiz Konstitusiyaning 20-moddasiga muvofiq inson bilan davlat organlarining oʻzaro munosabatlarida yuzaga keladigan qonunchilikdagi barcha ziddiyatlar va noaniqliklar inson foydasiga talqin etilishi belgilangan.

Amaldagi qonunchilikka koʻra, xizmatlar yashirin tarzda olib borilishi esa mumkin emas. Aynan o'sha kuni haydovchi patrul xizmat transportini va unda faoliyat yuritayotgan patrul xodimini koʻrmagan.

Nizomning 32-bandi 2-qismiga muvofiq, “Mazkur talabga rioya etilmagan holda rasmiylashtirilgan bayonnomalar yuridik kuchga ega boʻlmaydi va huquqiy oqibatlar keltirib chiqarmaydi” deb koʻrsatilgan.

Shunga qaramasdan, inspektor mavjud holatlarga Oʻzbekiston Respublikasi Konstitusiyasi va MJtK talablari rioya qilmasdan qaror qabul qilgan.

Inspektor tomonidan maxsus avtomatlashtirilgan audio, foto va video qayd etish texnika vositalari bilan koʻchma fotoradar va mobil komplekslardan foydalanish talablariga rioya qilmaslik oqibatida fuqarolarning sarosongarchiligiga sabab boʻlmoqda

MJtKning 307-moddasida “Maʼmuriy huquqbuzarlik toʻgʻrisidagi ishni koʻrib chiqish vaqtida tegishli organ (mansabdor shaxs): maʼmuriy huquqbuzarlik sodir etilgan-etilmaganligini, huquqbuzarlik sodir etilgan vaqt va joyni, mazkur shaxs uni sodir etishda aybdor-aybdor emasligini, uning maʼmuriy javobgarlikka tortilish-tortilmasligini, javobgarlikni yengillashtiruvchi yoki ogʻirlashtiruvchi holatlar bor-yoʻqligini, mulkiy zarar yetkazilgan-yetkazilmaganligini, shuningdek ishni toʻgʻri hal etishda ahamiyatga molik boshqa holatlarni aniqlashi shart” deb koʻrsatilgan.

MJtKning 321-moddasining 2-qismida “.maʼmuriy huquqbuzarliklar toʻgʻrisidagi ishlarni yuritish qoidalarining jiddiy buzilishi” maʼmuriy huquqbuzarlik toʻgʻrisidagi ish yuzasidan chiqarilgan qarorni bekor qilishga asos boʻladi deb koʻrsatilgan.

Shuningdek, Oliy sud Axborotnomasining 2023 yil 1-sonida sudlar tomonidan Multa Radar CD orqali rasmiylashtirilgan jarima qarorlari bilan bogʻliq sud ishlarida sudyalar maxsus avtomatlashtirilgan audio, foto va video qayd etish texnika vositalari bilan koʻchma fotoradarlar hamda mobil komplekslarni bir biridan ajrata olmayotganligi haqida yozgan va bunday vaziyatlarda jarima solish toʻgʻrisidagi qarorlar bekor qilinishi haqida maʼlum qilgan.

Mazkur jarima solish toʻgʻrisidagi qarorni rasmiylashtirishda yuqoridagi Oʻzbekiston Respublikasi Prezidentining PQ-3989-son Qarori va Nizomning 32-bandiga asosan YPX xodimi xizmatni maxsus patrul avtomobilida olib borganlik va xizmatga aloqador boʻlmagan fuqarolarni jalb qilinmaganligi holati shubhalar ostida qolganligi sababli sud majlisi davomida bularni bartaraf etishning imkoni yoʻqligini inobatga olib ushbu maʼmuriy ishni MJtKning 271-moddasining 1-bandiga asosan tugatish lozim deb hisoblayman.

Yuqoridagilarga asosan, {{viloyat}} IIB YHXB inspektori {{inspektor}}ning {{qaror_sana}} yildagi {{jarima_raqami}}-sonli qarorini bekor qilib, ishni MJtKning 271-moddasining 1-bandiga asosan tugatishingizni soʻrayman.

Ilova:

1. jarima qaror nushasi;

2. pasport;

Arizachi _______________{{javobgar_fish}}

"__"__________ 202__ yil

Multaradar jarimani bekor qilish Arizasi